PEYĞƏMBƏRİMİZİN QIZLARI – HƏZRƏT ÜMMÜGÜLSÜM (Hz. Osmanın xanımı)

Avq18

Hz. Osman Ruqiyyə ilə birlikdə sıxıntılı, lakin məsud bir həyat yaşamışdı. Amma həm elə bir həyat yoldaşını itirməsi, həm də Rəsulullah ilə olan qohumluq əlaqəsinin kəsilməsi onu çox kədərləndirirdi. Bir dəfə Peyğəmbərimiz onun bu vəziyyətini gördükdə: “Ey Osman, nə üçün bu qədər kədərlisən?” – deyə soruşdu.

Hz. Osman: “Ya Rəsuləllah, mən kədərlənməyim, bəs kim kədərlənsin? Qızınızın vəfatı ilə yalqız qaldım. Daha da mühüm olanı sizinlə olan qohumluq əlaqəsi qopdu” – dedi.

Peyğəmbərimiz (s) Allahın Ümmügülsümü də ona nikahlamasını əmr etdiyini bildirərək müjdə verdi. Hz. Osman buna çox sevindi.

Qısa zamanda hazırlıqlar tamamlandı və toy tədarükü görüldü. Bu məsud evlilik hicrətin 3-cü ilində baş tutdu. Hz. Osman beləcə ikinci dəfə Peyğəmbərimizə kürəkən olmaq şərəfini qazandı. Bundan belə “Zinnureyn” (“iki nur sahibi”) ünvanı ilə çağırıldı.

Hz. Osman ilə Ümmügülsüm altı il birlikdə məsud bir həyat yaşadılar, lakin Ümmügülsüm də yoluxduğu xəstəlikdən qurtulmayaraq hicrətin 9-cu ilində vəfat etdi. Cənazə namazını Peyğəmbərimiz (s) qıldı. Ümmügülsümün vəfatı Peyğəmbərimizi də, Hz. Osmanı da kədərləndirdi. Bu arada Rəsulullah (s) “Əgər on qızım olsaydı, hamısını Osmana nikahlardım” – buyuraraq ona olan sevgisini ifadə etdi. Bu söz Hz. Osman üçün böyük bir təsəlli oldu.

İsmayıl Mutlu; “Xanım əshabələr”

PEYĞƏMBƏRİMİZİN QIZLARI – HƏZRƏT RUQİYYƏ (Hz. Osmanın xanımı)

Avq18

Həzrət Ruqiyyə Peyğəmbərimizin qızlarının ikincisi idi. Peyğəmbərimizin 33 yaşı olanda dünyaya gəldi. Kiçik yaşda müsəlman oldu. Peyğəmbərimiz onu həya və ədəb incisi Hz. Osmanla evləndirdi.

Məkkədə müşriklərin işgəncələri dayanılmaz bir hal aldıqda Hz. Osman xanımı ilə birlikdə Həbəşistana hicrət etdi. Onların hicrətləri Peyğəmbərimizi çox təsrləndirdi. Onları yola salarkən: “Lutdan sonra ailəsini götürüb Allah yolunda hicrət edənlərin ilki Osmandır” – buyurdu.

Həbəşistan Nəcaşisi mühacirləri çox yaxşı qarşıladı. Onlara əlindən gələn köməyi göstərdi. Bu arada Ruqiyyənin bir oğlu dünyaya gəldi. Adını Abdullah qoydular.

Hz. Ruqiyyə bir yandan sevgili atasından ayrıldığına görə, bir yandan da vətənindən uzaq düşdüyünə görə çox kədərlənirdi. Bu kədərini bir az da olsa, Abdullah unutdururdu.

Hz. Osman ilə Hz. Ruqiyyə anamız bir müddət Həbəşistanda qaldıqdan sonra Peyğəmbərimizin ayrılığına artıq dayana bilmədilər. Oxumağa davam et →

PEYĞƏMBƏRİMİZİN QIZLARI – HƏZRƏT ZEYNƏB (Peyğəmbərimizin ən böyük qızı)

Avq18

Peyğəmbərimiz otuz yaşında idi. Xədicə anamızla evliliyindən beş il keçmişdi. Evində bir həyəcan dalğası əsirdi. Qadınlar Hz. Xədicə anamızın yanında toplanmışdı, çünki oğlu Qasımdan sonra ikinci uşağı dünyamızı şərəfləndirmək üzrə idi. Uşağı doğuzduran qadın Səlma Xatun idi.

Vaxtı çatan şərəfli körpə çox keçmədən qoca dünyamıza gözlərini açdı. Dünyaya gələn bu uşaq qız idi. Çox sevimli idi, lakin otaqdakı qadınları bir narahatlıq, bir hüzn bürümüşdü. Doğumdan əvvəlki sevincləri yox olmuşdu, çünki onlar Peyğəmbərimizə: “Sənə müjdə! Nur topu kimi bir oğlun dünyaya gəldi!” – demək istəyirdi. İndi bu “qara xəbəri” ona kim deyəcəkdi! Bu vəzifə bir xidmətçinin üzərinə düşdü. Xidmətçi tərəddüd edərək Kainatın Əfəndisinin yanına gəldi, asta bir səslə: “Bir qızınız oldu” – deyə bildi, Oxumağa davam et →

LOREN BUT

Avq16

“Mən bir il əvvəl yenə də jurnalist kimi İrana getməli oldum. Həmin vaxt “Bibi-Fatimə” məscidini də ziyarət etdim. Dəstəmaz aldım – bunun qaydasını bilirdim – başıma örpək atdım və ilk dəfə Allah adına dua etdim: “Ey Allahım, mən heç nə istəmirəm, hər şeyim var. Bu gəlişimə görə də Sənə minnətdaram, amma Fələstin xalqına yardım et!” Sonra bu izdihamlı məsciddə bir yer tapıb oturdum. Yanımda bir qadın körpəsini yedirirdi, bu ziyarətçilərin arasında, uşaqların səs-küyləri içərisində içimə bir sakitlik çökmüşdü. Əvvəllər heç vaxt hiss etmədiyim bir hüzur vardı daxilimdə. İlk dəfə olaraq başımda səslər, qarışıq fikirlər yox olmuşdu, uşaq kimi sevinc hissləri keçirirdim. O gün bu vəziyyətdə xeyli orada qaldım və mənə elə gəldi ki, kainatda da həyat eyni ilə belədir. Birdən bir neçə qadın mənə yaxınlaşıb çiynimi qucaqladı və farsca: “Səni çox sevdik”, – deyə bildirdilər. Rəfiqəm Naciyədən soruşdum: “Burada həmişə belə olur?” O: “Yox, deyəsən, burada nəsə baş verir”, – deyə cavab verdi. Oxumağa davam et →

QADININ ƏRİNƏ XİDMƏTİ

Avq16

Abdullah ibn Abbasdan rəvayət edildiyinə görə bir qadın: “Ya Rəsuləllah, qadının cihadının qarşılığı (mükafatı) nədir?” – deyə soruşduqda Allah Rəsulu (s): “Ərinə itaət etməsi və onun haqqını yerinə yetirməsidir”[1] – deyə ona cavab verdi.

1. Qadın (İslam dininin əmrlərinə zidd olmayan məsələlərdə) daim ərinə itaət etməli, onun hər bir əmrinə tabe olmalı və hər bir sözünə diqqətlə yanaşmalıdır. İslam dini qadının ərinə itaət etməsi və ona sayğı göstərməsi haqqında çox tövsiyələr etmişdir. Rəsulullah (s) buyurmuşdur: “Qadın ərinin haqqını ödəmədikcə Allahın haqqını ödəməmişdir”. Oxumağa davam et →

İORDANİYA KRALİÇASI KVİN NUR

Avq16

CNN telekanalına verdiyi müsahibədə Kvin Nur belə deyib: “Mən dünyada ən kasıb və konflikt yaranan ölkələrdə şahid olmuşam ki, fəqirlik, durğunluq və ətalətdən qurtulmağın səbəbkarı qadınlardır. Bombasız, gülləsiz, yəni həqiqi təhlükəsizliyin təmin olunmasına kömək edə bilən də məhz qadınlardır”.

Uzun illər Kral Hüseynin yoldaşı İslam cəmiyyətində səmimi, açıqsözlü və əzmkar bir qadın kimi tanınıb.

1974-cü ildə Kvin Nur Prinston Universitetinin ali kursunu şəhər planlaşdırma və memarlıq dərəcəsi ilə bitirib. Oxumağa davam et →